Әй ауылы балалары Торналы мәктәбенә китеп барған. Ҡапыл юлға йылҡы өйөрө килеп сыҡҡан. Водитель тормозға баҫып өлгөргән. Әммә транспорт бер атҡа килеп бәрелгән. “Уҡыусылар зыян күрмәгән. Уларҙы дәрескә еңел машинала оҙатҡандар”, - тип белдерҙе автоинспекторҙар.
Малдарҙың хужаһы табылған. Ул Дыуан районы фермеры булып сыҡҡан. Республикала уҙған тәүлектә 15 авария теркәлгән. Бер кеше һәләк булған, 16-һы имгәнгән, тип хәбәр итә автоинспекторҙар. “Миловка паркы” торлаҡ комплексы тирәһендә етди авария теркәлгән. Унда ҙур йөк машиналары бәрелешкән.
