Короновирус, грипп, ОРВИ... Был хәлдән тотош илдең фармацевтика компаниялары мөмкин тиклем табыш алып ҡалырға тырыша. Хәҙер дарыуханаларҙағы вирусҡа ҡаршы бар препараттар ҙа КОВИД-ты дауалай башланы. Һәр хәлдә, уны етештереүселәр шулай рекламалай. Тап шул реклама халыҡтың аңын томалай ҙа инде. Телевизорҙа күрһәттеләрме, тимәк, файҙаһы тейә. Ә фармацевтарға шул ғына кәрәк.
Мөғжизәле шифа вәғәҙә итеп ябай аҡбур онтағы ла һатырға әҙерҙәр. Уларҙың хатта, атамаһы ла барлыҡҡа килде. Фуфломицин. Йәғни, ялған таблеткалар. Ҡайҙа һатыла улар? БСТ каналы хәбәрсеһе Гүзәл Ситдиҡова дарыуханалар буйлап үтте.
