Билдәһеҙ кеше 46 йәшлек иргә шылтыратып үҙен банк хеҙмәткәре тип танытҡан. Мутлашыусыларға ҡаршы саралар күренә тип ышандырған, банк картаһында яҙылған һандарҙы әйтеүен һораған.
Икенсе көндө уға тағы шылтыратып һаҡлыҡ кенәгәһендә булған аҡсаһына хәүеф янауы тураһында белдергәндәр. Учалы районынан ышаныусан ир бөтә аҡсаһын алып мутлашыусылар әйткән иҫәпкә күсергән. Фатир алыр өсөн йыйылған 1 миллион һумдан ашыу аҡсаһыҙ ҡалған. Был хәл енәйәт кодексы буйынса тикшерелә.
