Асҡын районы Иҫке Күскилде ауылында йортонда йоҡлап ятҡан ир-уҙаман яңғырауыҡлы ҡулайлама тауышын ишетеп уянып китә. Мейес өҫтөнә түшәлгән матрас яна башлаған.
Йорт хужаһы утты ваҡытында һүндерә алған. Ғәҙәттән тыш хәлдәр буйынса дәүләт комитетынан хәбәр итеүҙәренсә, кешеләр утта янып үлмәй, ә төтөн еҫенә ағыуланып һәләк була. Янғын иҫкәртеүсе ҡулайлама төтөн еҫенә тоҡанып китә һәм тауыш сығара. Быйыл республикала датчик ярҙамында 18 кешенең ғүмере ҡотҡарылған.
