Быйыл яҙғы ташҡын 8-10 көнгә иртәрәк башланыуы ихтимал. Синоптиктар хәбәр итеүенсә, республикаға яҙ килде.
Һауа температураһы көндөҙ +6, +7 градусҡаса күтәрелә. Ошондай шарттарҙа йылға-күлдәрҙә боҙ иртәрәк әрселеүе көтөлә. “Йылғала һыу кимәлен көнөнә ике тапҡыр тикшереп торабыҙ”, - ти Өфө гидрология станцияһы етәксеһе Гөлназ Йәмилева.
Әле яҙғы ташҡындың ниндәй булырын алдан күҙаллап булмай. Шулай ҙа яр буйында йәшәүселәргә ғәҙәттән тыш хәлдәргә әҙер булырға кәңәш ителә.
