Ошо айҡанлы бөгөн Өфөлә тармаҡ алдынғыларын республика башлығы Радий Хәбиров тәбрикләне. Коммуналь хеҙмәттәрҙең өҙөклөкһөҙ эшләүе халыҡтың көнкүрешендәге уңайлыҡтар, таҙалыҡ, тәртиптең нигеҙе булып тора, тине Радий Хәбиров.
Илеш районы Үрге Йәркәй ауылының “Водолей” ойошмаһында слесарь булып эшләүсе Тәүис Хисәметдиновҡа “Башҡортостандың атҡаҙанған торлаҡ-коммуналь хужалығы хеҙмәткәре” тигән исем бирелде. Ул был өлкәлә 36 йылдан ашыу хеҙмәт итә.
Юғары награда алыусылар араһында Салауаттан Гәүһәр Ғәлиәкбәрова ла бар. Ул ҡаланың “Флора” берекмәһендә агроном булып эшләй.
Бөгөн торлаҡ-коммуналь хужалығы тармағындағы 3 тиҫтәнән ашыу кешегә Почетлы исемдәр һәм дәүләт наградалары тапшырылды.
