Ҡаланың тарихи үҙәгендә, Минһажев, Коммунистик, Яңы күпер урамдары һәм Салауат Юлаев проспекты киҫелештәрендәге майҙанда 1 ҡатлы өйҙәрҙе күсереп күп ҡатлы йорттар төҙөү планы бар. Ҡала Советы депутаттары сираттағы ултырышта ошо проектты ҡарай.
Генпланға 1 мең 100 балаға иҫәпләнгән мәктәп, 240 урынлыҡ баҡса, 33 ҡатлыҡ йорттар индерелгән. Иҫке өйҙәрҙе күсереү урамдарҙы киңәйтергә мөмкинлек бирә, һөҙөмтәлә тығындарҙы кәметеп буласаҡ тип көтөлә.
