“Донъя коронавирустан һуң: Евразия йөрәгенән ҡараш” тигән беренсе халыҡ-ара онлайн-форумда был турала Республика Хөкүмәте беренсе вице-премьеры Андрей Назаров белдерҙе. Башҡортостанда фармацевтика өлкәһендә уңышлы эшләгән ойошмалар бар. Ғалимдар вакцина булдырыуҙа әүҙем ҡатнаша.
Андрей Назаров әйтеүенсә, республикала йоғошло ауырыуҙарға ҡаршы етди саралар күрелә. Ике ай эсендә яңы инфекцион дауахана төҙөлә.
Өфө районы Зубов ауылы янында яңы дауахана май аҙағында файҙаланыуға тапшырылырға тейеш. Бынан тыш, Башҡорт дәүләт медицина университеты нигеҙендә донъя кимәлендәге үҙенсәлекле күп профилле онлайн-клиника барлыҡҡа килә.
#форум #больница #назаров
