Шулай тип белдерҙе ил Президенты.Владимир Путин коронавирус инфекцияһы таралыуын сикләү мәсьәләләренә арналған кәңәшмә үткәрҙе. Дәүләт башлығы ватандаштарыбыҙға мөрәжәғәт итеп, халыҡты яуаплы һәм һаҡ булырға саҡырҙы.
“Бөгөнгө шарттарҙа төп бурыс – кеше ғүмерен һаҡлап ҡалыу”, - тине Владимир Путин.
“Сир менән көрәштә ирешелгән бәләкәй генә уңыштарыбыҙ, ҡотҡарылған һәр ғүмер эпидемияны еңеүгә өмөт уятырға тейеш. Тормош яйға һалыныр. Бөгөнгө һынауҙарҙы үтеп, үҫеш өсөн ышаныслы шарттар тыуҙырыуыбыҙға ышанам”, - тине Президент Владимир Путин. Коронавирус.рф порталы мәғлүмәттәре буйынса, әле илдә 99 меңдән ашыу кешелә ковид-19 инфекцияһы раҫланған. Башҡортостанда сирлеләр һаны 700 самаһы.
#Коронавирус #изоляция #ВладимирПутин #главноелюди #covid
