Ваҡиға Өфөнөң күп ҡатлы йорт ихаталарының береһендә теркәлә. Ҡараҡтар тимер һыу улағы урлағанда, транспорт сараһы итеп сүп-сар контейнерын эләктереп ала. Ҡырын эш видеокүҙәтеү ҡоролмаһына теркәлгән. Тулыраҡ киләһе яҙмала.
Киске эңер. Күп ҡатлы йорттоң видеокүҙәтеү камераһына төшөрөлгән кадрҙар. Яҙмаларҙан күренеүенсә, өс ир һыу улағына айыу майы һөртөп маташа. Тәүҙә улар тимер ҡоролманы бер нисә ҡат әйләндереп, берәүһенең арҡаһына һалып маташа. Ауыр булғанға, күрәһең, ярҙамға дүрт тәгәрмәсле техника, сүп-сар контейнеры йәлеп ителә.
Ғөмүмән, был хәл тәүге тапҡыр ғына теркәлмәй, ти күп ҡатлы йортта йәшәүселәр. Торлаҡ файҙаланыуға тапшырылғанға тиклем эргәләге гараждарҙы һүтеп, урынына күп ҡатлы парковка, балалар һәм спорт майҙансығын төҙөү планлаштырылған. Ләкин, эш бойомға ашмай ҡала. Һөҙөмтәлә, бөгөн буш торған гараждар сиратлап шешәгә алмаштырыла башлай.
Ә инде сүп-сар контейнеры менән һыу улағын урлауҙа ғәйепләнеүселәргә ҡарата енәйәт эше ҡуҙғатылыуы көтөлә. Енәйәт кодексының 158-се статьяһына ярашлы, ике йылға тиклем иректән мәхрүм ителеү янай. Улаҡ әлегә урынына ҡайтарылмаған. Сүп-сар ташлағанда кеше яңылыш соҡорға төшөп китмәһен өсөн ул ҡапҡас менән ябылған.
Азат Ғәлиуллин.
