Бөгөн элекке хәрби келәттә снаряд шартлау сәбәпле, боеприпастар йыйыу һәм үтилләштереү менән шөғөлләнгән ойошманың 4 хеҙмәткәре зыян күргән. Улар дауаханаға оҙатылған. Урында тәфтиш-оператив төркөм эшләй, шартлау сәбәптәре асыҡлана.
Урман ауыл биләмәһе хакимиәте башлағы Рафаэль Ҡалҡаманов беҙҙең радиоға ошоларҙы хәбәр итте.
Урман ҡасабаһында 2011 йылда хәрби келәттә шартлау булды. Ғәҙәттән тыш хәл ваҡытында ҙур янғын сыҡты, халыҡ йорттарын ташлап китергә мәжбүр булды.
