Семен Елистратов Башҡортостандан Олимпиада “бронзаһы” өсөн 500 мең һум аласаҡ

Башҡорт спортсыһы Семен Елистратов Кореяның Пхенчханында барған Олимпия уйындарында бронза миҙал яулауы айҡанлы 500 мең һум аласаҡ. Был хаҡта Республика министрҙар кабинетында уҙған оператив кәңәшмәлә Хөкүмәт премьер-министры Рөстәм Мәрҙәнов белдерҙе.

Был түләү Башҡортостан Башлығы Рөстәм Хәмитов указына ярашлы ҡаралған, тип билдәләне ул.

Хәтерегеҙгә төшөрәбеҙ, яҡташыбыҙ Семен Елистратов, Корея Ҡышҡы Олимпия уйындарының ирҙәр араһында 500 метрға шорт-трек уҙышында өсөнсө урын яулап, Рәсәй спортсыларынан тәүге булып миҙалға лайыҡ булды. Еңеүен ул олимпиадала ҡатнашыу хоҡуғынан мәхрүм ителгән ватандаштарыбыҙға бағышланы.