Бер нисә көн дауам иткән ҡойма ямғырҙар һөҙөмтәһендә Учалы районы Ҡобағош ауылында быуа йырылды. Урамдарҙы һыу баҫты. Урындағы эшҡыуарҙарҙың береһе шишмәне быуып балыҡ үрсеткәне асыҡланған. Әммә яуым-төшөм һөҙөмтәһендә быуа йырылған.
Миндәк йылғаһы ла ярҙарынан сыҡҡан. Һөҙөмтәлә урындағы халыҡтың бесәнлектәре һыу аҫтында ҡалған. Йылға Яңы Байрамғол ауылы урымдарын да баҫҡан. Бәхеткә кеше ғүмерҙәренә зыян килмәгән.
Рафиҡ Әхмәтшин.
