Быйыл сентябрҙә Истамбул ҡалаһында "Башҡортостан республикаһы конгресс-бюроһы" коммерция булмаған ойошмаһының офисын асыу планлаштырыла. Әле делегация составы билдәләнә, Төркиә вәкилдәре менән һөйләшеүҙәр ҡарала, тип белдерелде "Инвестиция сәғәте" кәңәшмәһендә.
Республика башлығы Радий Хәбиров әйтеүенсә, бының тап эшлекле сәфәр булыуы мөһим. Турист-чиновниктар кәрәкмәй. Төркиә эшҡыуарҙары менән туранан-тура хеҙмәттәшлек итерлек кешеләрҙе генә ебәрегеҙ. Офистың төп маҡсаты Төркиәлә Башҡортостан бизнесмендары мәнфәғәттәрен яҡлау, тип белдерҙе Радий Хәбиров.
