Балалар музыка мәктәбендә сәнғәт төрҙәре буйынса музыка ҡоралдары инфраструктураһын яңы кимәлдә үҫтереү, сифатлы ҡорамалдар һәм музыкаль инструменттар менән тәьмин итеү маҡсатында федераль проекты тормошҡа ашырыла. Был хаҡта тулыраҡ БСТ каналы хәбәрсеһе Гүзәл Борханова дауам итә.
Беренсе сентябрь – Белем көнөн Әҙеһәм Исҡужин исемендәге балалар музыка мәктәбе уҡыусылары яңы музыка ҡоралдары менән ҡаршылай. Улар уҡыусыларға һәм уҡытыусыларға әҫәрҙәрҙе башҡарыу оҫталығын, фестиваль-конкурстарҙа һөнәри кимәлде күтәрергә булышлыҡ итер тип көтөлә. Халыҡ-ара конкурстар лауреаты Инга Резина иһә японияла сығарылған Кауай рояленең мөмкинлектәрен өйрәнә. Яҡшы яңғырашлы был музыка ҡоралында уйнау уға донъя кимәлендә үткәрелгән төрлө бәйгеләрҙә ҡатнашыуға юл аса.
Музыка мәктәбенең биш бүлегендә 16 төрлө һөнәргә өйрәтәләр. Быйылғы уҡыу йылында мәктәп яңы думбыралар,ҡыл-ҡумыҙҙар, баяндар, аккордеон һәм скрипкалар менән йыһазландырылған. Уҡыусылар махсус заказ буйынса ҡайтарылған музыка ҡоралдарының баһаһын яҡшы белә, шуға ла һаҡсыл тотона.
Музыка мәктәбе яңырыу осорон кисерә. Уның тәрбиәләнеүселәр 3 тапҡыр гран-при, 147 мәртәбә лауреат урындарын яулаған. Яңы уҡыу йәлына мәктәптә уҡыусылар һаны 200 балаға артасаҡ, тип көтөлә.
Гүзәл Борханова.
