Айырыуса һаҡланған был биләмә республикала һәм илдә иң боронғоларҙан һанала. Ул Бөрйән, Белорет һәм Әбйәлил районы биләмәләрендә урынлашҡан. Ҡурсаулыҡта һирәк осраған хайуандар йәшәй һәм үҫемлектәр үҫә, үҙенсәлекле экосистема һаҡлана.
Бөгөн бында туризм үҫешә, халыҡ өсөн экологик һуҡмаҡтар һалына, тәбиғәт биләмәләренә экскурсиялар ойошторола. Башҡорт дәүләт тәбиғәт ҡурсаулығы етәксеһе Айнур Бейембәтов әйтеүенсә, биләмәгә төрлө белгестәр талап ителә.
