Квадрациклдарҙа сәйәхәт итеүсе ижади төркөм 5 көн дауамында республика тәбиғәте менән таныша. Әүҙем ял сәғәттәрен үҙ итеүсе проект ҡатнашыусылары палаткаларҙа йоҡлап, көндөҙ экстремаль шарттарҙа Башҡортостан биләмәһен иңләй. Квадрациклдарҙа йөрөүсе төркөмгә башҡа төбәктәрҙә йәшәүсе тамашасылар ҙа ҡушыла. «Вне зоны» телевизион проекты яҙмалары илдең 175 каналында күрһәтелә.
«Вне зоны» проектын әҙерләүсе төркөм май айынан алып октябргә тиклем төрлө төбәктәрҙә буласаҡ. Артабан уларТүбәнге Новгород, Һамар, Өфө маршруттарын өйрәнеп сентябрҙә Хакасияға юл тотмаҡсы. Беҙҙәге маршрутҡа Ярославлдән һәүәҫкәр мотоциклист та ҡушыла. Әүҙем ял сәғәттәрен яҡын күргән уҙаман мотоциклда Европа, Америка һәм башҡа ҡитғаларҙы йөрөп сыҡҡан.
