«Өфө» аэропорты – Рәсәйҙә иң яҡшыһы

Мәскәүҙә үткән граждандар авиацияһы күргәҙмәһендә «Өфө» Халыҡ-ара аэропорты эшмәкәрлеге 2017 йыл һөҙөмтәләре буйынса ике номинацияла билдәләнде. Башҡортостан Республикаһы баш ҡалаһы аэропорты йәнә «Рәсәйҙең һауа ҡапҡаһы» премияһына лайыҡ булды.

Хәтерегеҙгә төшөрәбеҙ: былтыр «Өфө» аэропорты Волга буйы федераль округында тәүгеләрҙән булып пассажирҙар һанын 2 миллион 800 меңдән арттырған. Аэропорт эшмәкәрлеге пассажирҙарҙың онлайн-тауыш биреү һөҙөмтәләре буйынса ла юғары баһаланған. Терминал инфраструктураһы һәм халыҡты хеҙмәтләндереү сифатынан сығып, «Өфө» аэропорты биш «йондоҙ»ҙоң дүртәүһе менән бүләкләнде.