Рөстәм Миңлеханов Башҡортостан Башлығын ике республика араһындағы дуҫлыҡты нығытыуға индергән тос өлөшө өсөн бүләкләне. Награда Ҡазанда Мостай Кәримгә һәйкәл асыу тантанаһы барышында бирелде. Монумент Ырымбур тракты һәм Дәүер урамдары киҫелешендә урынлашҡан скверға ҡуйылды.
Әйткәндәй, ул да шағир исемен йөрөтә. “Мостай Кәрим һәйкәле уртаҡ мәҙәни киңлектең символы булып торһон”, - тине әҙиптең ейәне Тимербулат Кәримов.
Мостай Кәрим һәйкәленең авторы - Мәскәү рәссамы Андрей Ковальчук.
