Һүҙ “Дүртюйлөмелиоводстрой” компанияһы тураһында бара. Ул Нефтекама, Ағиҙел ҡалаларын һәм төньяҡ-көнбайыштағы 12 районды хеҙмәтләндерҙе. Былтыр сентябрҙә был операторға эшен яҡшыртыу буйынса киҫәтеү яһалғайны. Ҡайһы бер сығанаҡтар хәбәр итеүенсә, компанияның бөлгөнлөккә лә төшөүе ихтимал.
Бөгөн Хөкүмәттә үткән оператив кәңәшмәлә был ойошма менән килешеүҙе өҙөргә ҡушылды. Яңы төбәк операторы конкурс нигеҙендә һайлап алынасаҡ. Башҡортостанда сүп сығарыу менән “Эко-Сити”, “Спецавтохозяйство” һәм “Экология Т” компаниялары шөғөлләнә.
