Өфөләге Фатима Мостафина исемендәге 20-се башҡорт гимназияһы өсөн яңы уҡыу йылы айырыуса иҫтәлекле. Быйыл гимназия 50 йыллыҡ юбилейын билдәләй. Ул баш ҡала Советы депутаттарының Башҡарма комитеты ҡарары буйынса, 1970 йылдың 1 сентябрендә асыла.
1999 йылда белем усағына танылған педагог Фатима Мостафина исеме бирелә. “Ғорурланырлыҡ ҡаҙаныштарыбыҙ бар”, - ти гимназия директоры Зөлфиә Ғәлийәнова.
Гимназия 50 йыллыҡ юбилейы уңайынан китап баҫтырырға ниәтләй. Әле материал туплау бара.
