Башҡорт Дәүләт һәм Өфө нефть техник университеттарында бакалавр һәм белгестәр әҙерләү буйынса ҡайһы бер йүнәлештәрендә өҫтәмә ҡабул итеү кампанияһы башланды. Конкурста уҡыу йорттарына ҡабул итеү мөҙҙәтендә документтарын тапшырғандар ҙа, тапшырмағандар ҙа ҡатнаша ала. Быйыл республика вуздарында мең ярым яңы бюджет урындары булдырылды, киләһе йыл был һанды 2 меңгә еткереү көтөлә.
