Кластар Рәми Ғарипов исемендәге 1-се республика башҡорт гимназия-интернатында, Өфөнөң 44-се һәм 162-се полилингваль күп профилле мәктәптәрендә асылды. Был мәктәптәрҙә Шайморатовҡа арналған кабинет-музейҙар була. Шайморатов кластарында уҡыусыларға берҙәм мәктәп формаһы индереү планлаштырыла, уҡыусылар ҡаҙаныштары өсөн “Йәш шайморатовсы” билдәһе менән бүләкләнә. 1-се республика башҡорт гимназия-интернатының 7-се “Г” класы “Шайморатовсылар” исемен йөрөтә. Класс етәксеһе Римма Тимербулатова һөйләй.
“Шайморатовсылар”ға ҡабул итеү тантанаһын 11 октябрь -Республика көнөндә ойоштороу планлаштырыла.
