Ваҡытынан алда тауыш биреүселәр өсөн участкалар кисә иртәнге сәғәт һигеҙҙә асылды.
Өфөнөң 94-се лицейындағы 412-се һайлау участкаһы халыҡты ҡабул итергә әҙер. Гражданлыҡ бурысын үтәргә килеүселәрҙең башта температураһы үлсәнә, ҡулдар махсус шыйыҡса менән эшкәртелә. Шулай уҡ социаль дистанция һаҡлау өсөн һыҙаттар һыҙылған. Ваҡытынан алда тауыш бирергә килгән Елена Жижакина әлеге мөмкинлектәр хәүефһеҙлек яғынан бик уңайлы, тип иҫәпләй.
Был юлы һайлауҙа 2 миллион 200 меңдән ашыу кеше гражданлыҡ бурысын үтәр тип көтөлә. Участкаға килә алмаусылар өйҙә тауыш биреү мөмкинлеге менән файҙалана ала. Шулай уҡ 13 сентябрҙә республикала урындағы үҙидаралыҡ органдарына һайлау үтә. Әлегә участкаларҙа сират юҡ, әммә комиссия ағзалары ял көндәре тауыш биреүселәр күберәк булыр тип өмөтләнә.
Әлфинә Килдейәрова.
