Рәсәй Геройы Миңлеғәли Шайморатов исемен йөрөткән кластар өс белем биреү ойошмаһында булдырылды. Исемле кластар Рәми Ғарипов исемендәге 1-се Башҡорт республика гимназия-интернаты, 44-се һәм 162-се полилингваль мәктәптәрҙә асылды. Класс бүлмәләрендә Шайморатов музейы, берҙәм мәктәп кейеме була, алдынғы уҡыусыларға “Йәш шайморатовсы” миҙалы бирелә. 162-се “Смарт” күп профилле полилингваль мәктәбе директоры Наил Әминев әйтеүенсә, әле Шайморатов класына ҡабул итеү бара.
Шайморатовсыларҙы ҡабул итеү һәм ант биреү тантанаһын Республика көнө уңайынан үткәреү ҡаралған.
#школасмарт #шаймуратовцы
