Башҡорт дәүләт университетында республиканың төньяҡ-көнбайыш райондарында этнолингвокультурологик экспедиция ҡатнашыусылары осрашты. Был проект Башҡортостан Башлығы грантына башҡарыла.
Быға тиклем Башҡорт филологияһы, шәрҡиәт һәм журналистика факультеты магистранттары һәм уҡытыусыларынан төҙөлгән бер-нисә төркөм Асҡын, Благовар, Ҡариҙел һәм Саҡмағош райондарында булған. Проект барышында 19 районда булыу күҙалланған. Экспедиция барышында башҡорт теленең төньяҡ-көнбайыш диалекты үҙенсәлектәре өйрәнелә, ауыҙ-тел ижады өлгөләре яҙып алына.
