Башҡортостанда актерҙарҙың дөйөм базаһы булдырылды

Ул республика башлығы грантына башҡарыла. Танылған режиссер Айнур Асҡаров билдәләүенсә, “Башҡортостандың йөҙ бите” проекты актерҙар һәм кино төшөрөүселәрҙе берләштерә торған майҙан.

Бында режиссерҙар кастинг үткәрмәйенсә үҙенә тап килгән актерҙы таба ала. Үҙең менән  таныштырыу форматында төшөрөлгән видеояҙмаларҙы ютьюб сайтында, “Актерҙар базаһы” каналында ҡарарға мөмкин.