Республика судтарының берләштерелгән матбуғат хеҙмәтенән белдереүҙәренсә, бер ҡатын 12 августа Төркиәнән ҡайтҡан. Ҡабул ителгән нормаға ярашлы, ул өс көн эсендә тест тапшырырға, уның һөҙөмтәләрен дәүләт хеҙмәттәре порталында урынлаштырырға тейеш булған. Ханым анализға сират булыуға, сайтта теркәлә алмауына һылтанған. Суд ҡарары менән уға 15 мең һум штраф һалынған.
