Мөхтәр Әхтәмов 1929 йылда Ейәнсура районында тыуған. Оҙаҡ йылдар Башҡорт дәүләт университетында уҡытты. Ул 400-ҙән ашыу фәни хеҙмәт авторы. Улар араһында өс томлы “Хәҙерге башҡорт теле”, башҡорт теленең омонимдар, антонимдар һүҙлеге бар. “Мөхтәр Хөснулхаҡ улы кешелекле булды. Беҙҙе атайҙарса яратты”, - ти ғалимдың студенты, филология фәндәре кандидаты Раушания Ниғмәтуллина-Солтаҡаева.
Коллегалары белдереүенсә, Мөхтәр Әхтәмов ковид-госпиталдә дауаланған. Ике ай элек ғалимдың улы – профессор Азамат Әхтәмов вафат булғайны.
