Республикала быйыл “Башҡорт ихаталары” программаһы буйынса ремонтҡа 2 миллиард һум аҡса йүнәлтелгән. Төҙөкләндереү барышында резина япмалы балалар майҙансыҡтары, автомобиль ҡуйыу урындары, мәғлүмәт стенды, тышҡы яҡтылыҡ, видеокүҙәтеү камералары урынлаштырыу һәм биләмәне йәшелләндереү ҡаралған.
Өфөнөң ҡайһы бер райондарында эштәрен ваҡытында тапшырып өлгөрмәгән подрядсы ойошмалар бар. Минһажев урамындағы йорттар урынлашҡан майҙанда ремонт әлегәсә тамамланмаған. Совет районы хакимиәте белгесе Гөлдәр Мырҙағәлина һөйләй.
Республикала “Башҡорт ихаталары” программаһы 2019 йылдан ғәмәлгә ашырыла. План буйынса, ремонт октябрь аҙағынаса тамамланырға тейеш.
