Бөгөн район советы ултырышында Артур Зарипов хакимиәт башлығы вазифаһын башҡарыусы булараҡ тәғәйенләнде. Быға тиклем ул урынбаҫар булып эшләгән. Бишбүләк районын 1999 йылдан етәкләгән Наил Ғатауллин вазифаһын бушатты. Ултырышта Республика Башлығы Хакимиәте етәксеһе Александр Сидякин ҡатнашты. Ул Наил Ғатауллинға лайыҡлы хеҙмәте өсөн рәхмәт белдерҙе һәм беренсе дәрәжәләге “Республика алдындағы ҡаҙаныштары өсөн” ордены бүләк итте.
