Радий Хәбиров ковид-госпиталдәрҙәге урындарҙы ҡаты сирлеләр өсөн файҙаланырға ҡушты. Республика етәксеһе әйтеүенсә, өй шарттарында дауаланыуға күсереү мөмкинлеге булған пациенттар дауаханан сығарылырға тейеш.
Һаулыҡ һаҡлау министрлығынан белдереүҙәренсә, республика дауаханаларындағы урындарҙың 82 проценты тулы. Инфекцияны дауалау өсөн 4 мең 780 урын бүленгән. Рәсәйҙә дүрт көн рәттән коронавирус йоҡтороусылар һаны 18 меңдән ашып китте. Башҡортостанда уҙған тәүлектә 93 кешелә хәүефле вирус табылған.
