Бөгөн Рәсәй Хөкүмәте вице-премьеры Марат Хөснуллин етәкселегендә Күҙәтеү фонды ултырышы үтте. Унда илдең 18 төбәгендә 71 йортто төҙөп бөтөргә һәм 26 объект буйынса компенсация түләргә ҡарар ителде. Йәмғеһе 8 меңдән ашыу кеше йортло буласаҡ. Күҙәтеү фонды Башҡортостан буйынса исемлеккә 26 күп фатирлы йортто индергән. Улар араһында “ИнвестКапиталСтрой”, “КиллСтройИнвест”, “Квартал” һәм “БашИнвестДом” торлаҡ комплекстары күрһәтелгән.
