Республика Башлығы Радий Хәбиров ҡул ҡуйған указға ярашлы, халыҡ-ара ярыштарҙа еңеү яулаған һәм призлы урын алған спортсыларға премия арта. Олимпия, паралимпия һәм сурдлимпия уйындарында еңеүселәргә 2 миллион һум түләнә. Көмөш миҙал алыусылар – 1 миллион ярым һәм бронзаға эйә булыусылар 1 миллион һум ала. Үҫмер спортсыларға ла түләү артты. Халыҡ-ара ярыштарҙа еңгән ҡыҙҙар һәм егеттәргә 300 мең һум бирелә. Бынан тыш, спортсыларҙы әҙерләгән тренерҙарға түләү өҫтәлә. Уларға атлеттар алған премия суммаһының яртыһы ҡайтарыла.
