Бөгөн төбәктең Арбитраж суды ҡарары менән сираттағы суд ултырышы 24 ноябргә билдәләнде. Процесс яҡынса дүрт сәғәт дауам итте. Генераль прокуратура вәкилдәре билдәләүенсә, суд яуап биреүсе яҡтың ҡайһы бер үтенес ҡағыҙҙарын ҡарауҙан баш тартҡан.
Иҫегеҙгә төшөрәбеҙ, октябрь аҙағында республика етәкселеге лә компания акцияларының федераль ҡарамаҡҡа күсеүен хуплап сыҡҡайны. Радий Хәбиров был осраҡта предприятие менән идара итеүҙә Башҡортостан мәнфәғәттәре зыян күрмәй, киреһенсә нығыясаҡ тип билдәләне.
Гөлназ Хәйбуллина.
