Республикала 65 йәштән ололар һәм хроник сирлеләр өсөн мотлаҡ изоляция тәртибе иғлан ителә. Был турала бөгөн Хөкүмәттә үткән оператив кәңәшмәлә Башҡортостан Башлығы Радий Хәбиров белдерҙе.
Указ иртәгә, 10 ноябрҙә, көсөнә инә. Республикала битлек тәртибе лә ғәмәлдә. Радий Хәбиров режимдың үтәлешен етди контролдә тоторға ҡушты.
65 йәштән өлкәндәрҙе изоляция тәрибенә күсереүгә ҡарата кешеләрҙең фекерен белештек. Билдәле шағирә Таңһылыу Ҡарамышева:
“Һәр кем һаҡланыу сараларын үтәһә, сирҙе тиҙерәк еңербеҙ”, - ти фәлсәфә фәндәре докторы, профессор Фәнил Фәйзуллин.
Республикала коронавирус йоҡтороусылар 11 мең 653-кә етте. Һуңғы тәүлектә 106 кешелә хәүефле инфекция асыҡланған, 262 сирле стационарҙа дауалана, уларҙың 13-ө ауыр хәлдә, тип белдерҙе Һаулыҡ һаҡлау министры Максим Забелин.
