Күрше дәүләт делегацияһын Ҡаҙағстандың Рәсәйҙәге Ғәҙәттән тыш һәм тулы хоҡуҡлы илсеһе Ермек Кошербаев етәкләй. Республика Башлығы әйтеүенсә, Ҡаҙағстан һәм Башҡортостан араһында элек-электән яҡшы мөнәсәбәттәр урынлаштырылған. Ике төбәк араһында тауар әйләнеше 350-500 миллион долларға баһалана. Быйыл мартта Өфөлә Ҡаҙағстандың Почетлы консулы эшләй башланы. Әле Нур-Солтанда Башҡортостан вәкиллеген булдырыу буйынса эш алып барыла. Яҡтар артабан да сәйәси, иҡтисади, социаль, мәҙәни өлкәләрҙә хеҙмәттәшлекте нығытырға килеште.
