Был турала социаль селтәрҙә Башҡортостан Башлығы Радий Хәбиров белдерҙе. “Үткән йылда Күмертауҙа эшҡыуарлыҡ күләме 12 процентҡа артты. Был Республика Хөкүмәте һәм ҡала етәкселегенең эш һөҙөмтәһе. “Күмертау” социаль-иҡтисади үҫеш биләмәһендә 28 резидент. 2016 йылдан бында 1300-ҙән ашыу яңы эш урыны булдырылды. Киләһе йылға тағы 4-5 компанияны индерергә маҡсат итеп ҡуябыҙ. Республикала тағы биш биләмәне үҫтерәбеҙ. Төп уңыштарыбыҙ әле алда”, тип яҙа Радий Хәбиров.
