Финанс министрлығы 10 ай һөҙөмтәләре буйынса ҡаҙна үтәлеше менән таныштырҙы. Быйыл ғинуарҙан ноябргәсә бюджет 200 миллиард 862 миллион һумға тулыланған. Аҡса башлыса ойошмалар һәм физик шәхестәр килеменә һалымдан йыйыла. Әммә коронавирус пандемияһы сәбәпле һалым йыйыу кәмегән. Бюджет сығымы 223 миллиард 556 миллион һум булған. Ҡаҙна социаль йүнәлешле булып ҡала – 78 проценты субсидия, эш хаҡы, пособие өсөн тотонола.
