Дауалау учреждениеһы декабрь башына файҙаланыуға тапшырылырға тейеш. Әле объектта 592 хеҙмәткәр, 55 берәмек техника эшләй. Эш тәүлек әйләнәһенә ойошторолған.
Төҙөүселәр бер нисә корпуста сендвич панелдәрҙе беркетеү, ҡыйыҡ ябыу, елләтеү системаһын ҡороу, электр, йылытыу селтәрҙәрен һуҙыу менән мәшғүл. Шул уҡ ваҡытта йоғошло ауырыуҙар дауаханаһы биләмәһен төҙөкләндереү, юл һалыу, яҡтыртыу ҡоролмалары урынлаштырыу, ҡаҙанлыҡтарҙы көйләү дауам итә.
