Йыл аҙағына был күрһәткес 2 миллион 400 меңгә етергә тейеш. Был турала Башҡортостан Башлығы Радий Хәбиров социаль селтәрҙәрҙә яҙа. “Төҙөлөш комплексы – республика иҡтисадының мөһим өлөшө. Рәсәй Хөкүмәтенә һәм вице-премьер Марат Хөснуллинға Рәсәй Төҙөлөш министрлығы башланғысы менән индерелгән программаларҙы ҡеүәтләүе өсөн рәхмәтлемен. Льготалы ипотека, “Стимул”, өлөшсөләр хоҡуғын яҡлау федераль фонды ярҙамында беҙ юғары күрһәткестәргә өлгәшәбеҙ. Киләсәккә маҡсаттарҙың береһе – Өфөнөң Ағиҙел аръяғында төҙөлөш башлау, тип яҙа Республика Башлығы.
