Вице-премьер – Ауыл хужалығы министры Илшат Фәзрахманов бөгөнгө ултырышта агростраховкалау программаһына ла туҡталды. Быйыл ҡайһы бер райондар ҡоролоҡтан зыян күрҙе. Страховка тейешле килешеү төҙөлгән осраҡта ғына түләнә. Бынан тыш, страховка алыусыларҙың субсидия юллауҙа өҫтөнлөгө бар. Киләһе йылдан ул ике тапҡырға арта, тине Илшат Фәзрахманов.
Ултырышта баҫыуҙарға минераль ашлама индереү мәсьәләһе лә күтәрелде. Быйыл 71 мең тонна ашлама ҡулланылған. Бындай хужалыҡтарҙа уңыш йыйыу күрһәткесе 15 процентҡа артҡан. Артабан да минераль ашлама файҙаланыуҙы арттырыу кәрәклеге иғтибар үҙәгендә була.
