Төп бүләккә Өфөнән Валентина Топочканова лайыҡ булды. Бынан тыш, 10 номинацияла һәр еңеүсегә “Алтын скрипка асҡысы” бүләк ителде. Межгорье ҡалаһынан “Раздолье” ансамбле ике номинация – “Халыҡ һайлауы” һәм “Халыҡ йыры”нда еңеүсе булды.
Салауат районынан “Юлдаш” төркөмө лә “Уфимская волна” йыр конкурсында ҡатнашып финалға сыҡты. Былтыр ансамбль “Юлдаш йыры” бәйгеһе лауреаты булғайны. Төркөм солисы Илфат Ямалиев әйтеүенсә, финалға сығып рус телендә халыҡ йыры башҡарыу үҙе ҙур еңеүгә бәрәбәр.
“Уфимская волна” йыр бәйгеһе 9-сы тапҡыр ойошторолдо. Конкурс финалы Башҡортостан юлдаш телевидениеһында тура эфирҙа барҙы.
