Бәйгенең бюджеты - 3 миллион ярым һум. Еңеүсегә проектын тормошҡа ашырыу маҡсатында 1 миллион һум бүленә. Быйыл ярыш икенсе тапҡыр уҙғарыла. Тәүгеһенән айырмалы, унда Стәрлетамаҡ, Ишембай ҡалалары һәм райондары ҡатнаша ала. Ойоштороусыһы – “Башҡорт Сода компанияһы”. Предприятиеның йәмәғәтселек менән бәйләнеш буйынса директоры Алина Халикова.
Былтырғы конкурс еңеүсеһе Александр Махновский Стәрлетамаҡта каратэ буйынса бөтә Рәсәй турниры ойошторған. Хәҙер Стәрлетамаҡ каратэ спорты үҙәгенә әйләнә бара, ти ул.
“Стәрлетамаҡ - уртаҡ йортобоҙ” конкурсы проекттары өсөн 30 ноябрҙә тауыш биреү ойошторола.
