Быйыл көҙ республиканан бөтәһе дүрт меңдән ашыу егет ил һағына баҫасаҡ

Бөгөн төндә Башҡортостандан 300-ҙән ашыу егет көнбайыш хәрби округына Ватан алдындағы бурысын үтәргә юллана

Хәрби формаларҙан күренеүенсә, егеттәр башлыса флотта, хәрби-һауа көстәрендә һәм ҡоро ер ғәскәрҙәрендә хеҙмәт итәсәк. Бөгөн әрмегә яңы алыныусы егеттәрҙе оҙатыу хөрмәтенә Республика хәрби комиссариатында тантаналы митинг ойошторолдо. Көҙгө кампанияла республиканан бөтәһе 4000-дән ашыу егет ил һағына баҫыр тип күҙаллана.

Егеттәрҙе тәүгә генә оҙатмайбыҙ. Бөгөнгө көнгә беҙгә тейешле йөкләмәнең яртыһынан күберәген, 2 меңдән ашыу егетте әрмегә оҙаттыҡ. Улар Рәсәй биләмәләрендәге бар төр хәрби көстәрҙә хеҙмәт итәсәк.

Михаил Блажевич, Башҡортостан республикаһының хәрби комиссары
Фото №1 - Быйыл көҙ республиканан бөтәһе дүрт меңдән ашыу егет ил һағына баҫасаҡ

Гүзәл Борханова.

Башбат
Нет наркотикам
Волна
БАШКОРТТАР-БСТ