Бөгөн Дәүләт Йыйылышы – Ҡоролтайҙа 2021 йылға бюджет проекты ҡаралды. Закон беренсе уҡыуҙа ҡабул ителде. Тупланма ҡаҙна 226 миллиард һумға тулылана, сығым 250 миллиард һум булыуы көтөлә. Финанс министры Лида Иғтисамова әйтеүенсә, төп маҡсат милли проекттар һәм социаль бурыстарҙы үтәүгә ҡайтып ҡала.
Быйыл республика бюджеты 37 миллиард һумлыҡ дефицит менән үтәлеүе ихтимал. Федераль ҡаҙнанан субсидия һәм һалым йыйыу артыуға бәйле йыл һайын был күрһәткес кәмей барырға тейеш.
