Был рәсми дата түгел, Америка Ҡушма Штаттарынан килгән ғәҙәт. Республикала йәшәүселәр был көн тураһында хәбәрҙармы һәм сауҙа үҙәктәренә йүгерергә әҙерме? Хәбәрсебеҙ фекер белеште.
“Ҡара йома” уңайынан он-лайн магазин һатыусылары ҙур ташламалар вәғәҙә итә. Әммә был көндәрҙә мутлашыусылар ҙа әүҙемләшә. Глобаль селтәр аша әйбер һатып алғанда хәүефһеҙлек тураһында оноторға ярамай, ти республика Милли банкы идарасыһы урынбаҫары Егор Михтанюк.
Статистика мәғлүмәттәре буйынса, ноябрҙең һуңғы йомаһында тауар һатып алыусылар бер нисә тапҡыр арта.
