Башҡортостан Милли музейында скульптор Сосланбәк Тавасиев ижадына арналған күргәҙмә асылды. Бында “Абрамцево” музей-ҡурсаулығынан скульптура һәм графика экспонаттары, шулай уҡ ғаиләһе тапшырған фотолар һәм документтар күрһәтелгән. БАССР-ҙың халыҡ рәссамы Сосланбәк Тавасиев Салауат Юлаев һәйкәле авторы булараҡ билдәлелек яулай. Был эше өсөн ул СССР-ҙың дәүләт премияһына лайыҡ була. Башҡортостан Милли музей директоры Марат Зөлҡәрнәев әйтеүенсә, күргәҙмә халыҡ өсөн ҡыҙыҡлы буласаҡ.
Сосланбәк Тавасиевтың ижадына арналған күргәҙмә 20 декабргә тиклем эшләй. Санитар-эпидемиологик талаптарға бәйле музейға 5 кешенән артмаған төркөмдәр генә индерелә.
