Дуҫтар! Шәп яңылыҡ! Башҡортостандың атҡаҙанған артисы Радик Юлъяҡшин, ул да булһа Elvin Grey, көйәрмәндәре өсөн конкурс иғлан итә!
Халыҡ һөйөүен яулаған популяр йәш йырсы “Бәйләнештә” социаль селтәрендәге үҙенең төркөмөндә үҙенсәлекле конкурсҡа старт бирҙе. Йырсының иң оригиналь портрет эскизын төшөрөүсене билдәләү – төп маҡсат. Еңеүсенең рәсеме иһә футболка түрен биҙәйәсәк.
Конкурста ҡатнашырға теләгәндәр үҙҙәренең эшен elvingrey_shop@mail.ru электрон почта адресына 28 февралгә тиклем ебәрергә тейеш. Март башында конкурсҡа йомғаҡ яһаласаҡ.
Еңеүсе үҙенең эскизы төшөрөлгән футболка менән бүләкләнәсәк.
