Ул “Карауанһарай” сауҙа комплексында үтә. Күргәҙмәлә уҙған кампанияларҙа алынған статистика мәғлүмәттәре күрһәтелә, ҡатнашыусыларҙы “Башархив” порталы менән ҡулланырға өйрәтәләр. “Башархив” – уникаль проект, унда 1917 йылдағы Өфө губернияһының 5 уезы, йәғни хәҙерге Башҡортостандың күп өлөшөнән архив яҙмалар тупланған. Унда 6 меңгә яҡын документ инә. Проект халыҡҡа үҙҙәренең ғаилә тарихы, булмышы һәм көнкүреше менән танышырға ярҙам итә, генеалогик тикшеренеүҙәрҙе популярлаштырыуға йүнәлтелә. Күргәҙмә 15 декабргә тиклем дауам итә.
